Page 53 - AVP

Minister Lampe ta desmenti cu ta cera

Avond Mavo

Posted on 09/5/2019 8:46 pm AST | Updated on 09/5/2019 9:00 pm AST

ORANJESTAD - Parse cu un biaha mas un informacion di minister Lampe di enseñansa
a crea consternacion robez, pa e forma con esaki a keda informa na esnan concerni.
Minister di enseñansa Rudy Lampe diahuebs anochi a desmenti e informacion cu avond
mavo na San Nicolas ta bay cera. “E noticia no ta berdad” Lampe a sigura Noticiacla.com
diahuebs anochi. Ora nos a informe cu ta mayornan mes a acerca nos cu e informacion cu
e cabesante a informa nan yiunan di e noticia, Lampe a bisa cu si e cabesante a duna e
informacion ey, el a duna informacion robez. Segun Lampe, 4e klas ta sigui normal, y e
klasnan 2e y 3e ta cuminsa otro siman cu un sistema mas personalisa pa asina sigura cu e
alumnonan tin miho exito. Segun Lampe, 60% di esnan di avond mavo ta bolbe keda
sinta, pues algo otro mester a sosode. Mester bisa cu ta e propio mayornan a informa di e
noticia y a keda preocupa cu e informacion. Na nan turno, nan a informa nos portal di e
noticia. Algun alumno mes a splica kico nan a tende. Ta parse cu ta falta di comunicacion
por ta e causa di e confusion aki. No ta prome biaha cu e mandatario ta haye den
problema pa a comunica di un forma incorecto, creando consternacion. Tabata luna pasa