Page 13 - MIN VOS

22 AWEMainta Diahuebs, 1 December 2016

Luzmary ta cumpli 30 aña den servicio di Wit Gele Kruis

DIA 5 di januari 2016, sra. Luzmary Mostacero Diaz Krozendijk
a cumpli 30 aña den servicio di Wit Gele Kruis como “Verzor-
gende”.

Luzmary a traha cu hopi amor y dedicacion pa nos fundacion,
el a traha na diferente wijkgebouw di Wit Gele Kruis, unda cu el
a traha hunto cu e surnan. Semper Luzmary tabata un persona
cu un sonrisa riba su cara y semper e tabata cla pa yuda tur su
pashentnan.

Director di Wit Gele Kruis Sr. Gino Goeloe y presidente sr. Jan
Segers a ortoga den nomber di Directiva y Personal un plakaat na
sra. Luzmary Mostacero Diaz Krozendijk como agradicimento pa
su bon trabao cua a cumpli 30 aña den servicio di Wit Gele Kruis.

Dianan 1, 2 y 5 di december:

Sport Centrum San Nicolas

ta cera despues di merdia

INSTITUTO Biba Saludabel y Activo, IBiSA ta informa tur
usuario y publico en general cu Sport Centrum San Nicolas lo ta
cera dianan 1, 2 y 5 di december despues di merdia.

Riba diamars 6 di december 2016, Sport Centrum San Nicolas
lo ta habri bek pa publico cu e servicio di custumber cuminsando
for di 7:30am.

Nos ta pidi disculpa pa cualkier inconveniencia cu esaki por causa.
Di antemano, masha danki pa tur comprension.