Page 24 - ARUBA BANK

KVK Ta Informa Encuanto Sesion Cu Stakeholders:

Ta Pidi Gobierno Mas Tempo Pa Por Reacciona Y Bin

Cu Solucion – No Por Duna Un Punto Di Vista Den 10

Minuut

 Local
- 05/09/2019

Diaranzon 4 di september, Camara di Comercio y Industria Aruba (KvK) hunto cu otro
gremionan comercial a reuni cu Gobierno pa elabora riba e topico di e Reforma fiscal cu
Gobierno a presenta. KvK a haya 10 minuut pa trece su punto dilanti y e otro día lo tin
otro reunion den cua lo tin mas tempo pa elabora riba diferente punto.

KvK a pidi pa mas tempo pa por studia esaki, pasobra e ta dificil pa duna contesta sin sa
kico ta e situacion den su totalidad.

KvK kier haya un rol mas prominente den e proceso di tuma decision enbes di
constantemente ta wordo invita despues cu decisionnan a wordo tuma caba y sin consulta
su opinion y contribucion den e materia.

KvK no ta di acuerdo cu Gobierno ta ofrece nan solamente 10 minuut pa duna un
contesta na algo asina impactante y importante pa nos economia. E ta crucial cu e asunto
wordo delibera adecuadamente y cu Gobierno otorga sector priva e periodo minimo di 1
siman di tempo pa por haci un sondeo apropia y di e forma aki contribui debidamente n’e
Reforma Fiscal.