Page 40 - ARUBA BANK
P. 40
ORANJESTAD (AAN): Durante e conferencia di prensa na Aruba Bank unda cu a
introduci e Report App pa reporta comportacion indesea na trabao, Dr. David Geelkens
di Medwork a splica cu como docter di control di compania e ta orguyoso di e App.
“Ta tremendo cu awor Aruba ta bay por hasi uso di e App aki”.
“Como docter frecuentemente mi ta wak hendenan cu keho di tension y problemanan
psychosocial”.
“Tin biaha esaki ta wordo causa directamente of indirectamente pa comportacion
indesea, cu ta inclui entre otro discriminacion y intimidacion sexual”.
“Lamentablemente nos ta wak esaki frecuentemente”, segun Geelkens, kende a sigui
bisa cu awor porfin e empleadonan tin e App como herment pa hasi algo contra esaki.
E docter a sigui bisa cu e App ta duna informacion na e empleado y splicacionnan
importante, pero tambe bo tin e posibilidad di skirbi, documenta y registra locual a
pasa.
Despues bo por meld esaki cerca un persona interno of externo di confianza.
“E persona por scucha bo y conseha bo, mirando cu el a studia pa esaki”.
“Nos ta spera cu mas compania na Aruba y na e otro islanan hasi uso di e App aki”,
segun Geelkens.
