Page 41 - ARUBA BANK

Ruiz: Gobierno di Aruba cu reunion

positivo cu ehecutivonan di CAFT

Posted on 10/22/2018 5:02 pm AST | Updated on 10/22/2018 5:06 pm AST

ORANJESTAD – Diabierna mainta minister di Finansa Xiomara Ruiz hunto cu Conseho
di Minister tabata tin un reunion cu e Colegio di Supervision Financiero, CAFT den su
constelacion nobo. Pa medio di un comunicado dialuna, gobierno a informa di e
contenido di e reunion segun gobierno. Segun e comunicado, na promer lugar a
yama bonbini na Sra. mr. Helen van der Wal como miembro pa Aruba y a sera conoci cu
Sr. Henk Kamp como miembro nobo pa Hulanda. Durante e reunion a trata varios topico,
entre nan, e Presupuesto Suppletorio pa 2018 y Presupuesto 2019. Minister Ruiz-Maduro
a trece dilanti cu e reto financiero di Aruba ta uno grandi y no ta facil. Esaki ta exigi
pensamento y accion continuo di parti gobierno y realidad ta cu nos no por kibra hero cu
man y bira drecha di biaha tur locual no ta cana bon pa nos Pais durante e periodo di e
gabinete anterior. “Como gobierno nobo y cu un maneho serio, nos tin confiansa cu nos
ta logra haya tempo, espacio y cooperacion pa por haci e trabaonan necesaro na bienestar
di nos Pais y su generacion” Ruiz a bisa. Pa e motibo aki CAFT di su banda ta reconoce e