Page 19 - ARUBA BANK

A9
REINO Diaranson 18 september 2019

Banco Hulandes den accion contra labamento di placa

DEN HAAG – E cinco banconan Hulandes mas grandi
lo combati labamento di placa hunto. Esaki ta pa in-
tercepta placa criminal, e banconan lo establece un or-
ganisacion cu ta controla e transaccionnan.
Segun Chris Buijink di Asociacion Bancario Hulandes, aunke
esaki ta un iniciativa priva, e ta pas bon den e plan di accion cu
e gobierno a lansa zomer pasa.

Privacidad ta un problema
“ Ainda nos no ta cla pa intercambia informacion, pero e tra-
bou ta den progreso. Nos lo wak si ta posibel pa monitor tur
e transaccionnan aki di un manera agrupa. Hunto e transac-
cionnan aki ta alrededor di 9.8 biyon pa aña, 27 miyon pa dia
y 1.3 miyon pa ora. Awo por solamente wak kico ta pasa via
banco, awo nos por visualisa rednan y fluhonan.”

Ministerio a inicia proyecto pa combati problema di sangura

WILLEMSTAD – E Ministerio di Salud, Na-
turalesa y Medio Ambiente ta iniciando un
proyecto pa combati problemanan di san-
gura, esaki a ser informa riba nan website.

E proyecto ta yama “ Sangura ta e problema di
tur hende” esaki tin como obhetivo pa conscien-
tisa e poblacion tocante e peligernan di sangura,
manera enfermedadnan Zika, Chikungunya y
Dengue.

Durante e ultimo cinco añanan, segun e Ministe-
rio tabata tin dos brote di Aedes Aegypti,cu tambe
ta yama sangura di kentura geel. E sanguranan aki
por transmiti tur e enfermedadnan multiple y re-
produci den awanan trankil.

Ademas di distribui informacion tocante esaki, e
ministerio tambe a bishita e casnan pa asina veri-
fica si ainda tin awa paden y rond di cas.

Auto a drenta publico lagando diferente herido

LEENDE - Durante un autocross na Leende
Brabant, un auto a core drenta publico, segun
autoridadnan policial.

E incidente a tuma luga durante premiacion di e
autocross y posiblemente ta consecuencia di un
conflicto cu a sali for di man.

E auto cu a drenta publico tabata un auto careda.
Despues a surgi un pelea. Polis mester a interveni
segun un vocero. A logra domina e situacion. E dos
ocupantenan di e auto a keda detene. Durante di
esaki dos homber, un dama, un hobencito a keda
transporta pa hospital. Nan heridanan no ta grave.
Tres otro persona a ser controla pa personal di am-
bulance.

Ta trata di un homber di 21 aña di Reuver y un
damita di 17 aña di Veghel. No tin claridad ken ta-
bata maneha e auto.