Page 29 - ARUBA BANK

Gobierno a adelanta su mes riba e proceso y ya caba a duna su opinion riba esaki. “Esaki

ta un procedura cu nos ta lamenta,” Parlamentario Richard Arends a declara.

E parlamentario ta constata su cu aunke e deficit a wordo aumenta pa aña 2017 cu 130

miyon na december ultimo, e deficit adicional a bin resulta di ta 90 miyon cu ainda ta

cuestionable. Loke ta un hecho ta cu e deficit di 2017 ta mas abou cu loke a wordo

presupuesta, y esaki ta nifica cu presupuesto 2018 mester ta mas abou cu presupuesto

2017, si sigui e ultimo conseho di CAFT.

Nos ta papiando akinan di un diferencia di casi 40 miyon di florin y nos kier sa con lo

reduci e deficit di presupuesto 2018 mas ainda den un periodo di tempo asina corto,”

Parlamentario mr. drs, Richard Arends a declara durante e conferencia di prensa semanal

di fraccion di AVP

Dia 1 di september, esta dentro di tres siman, Parlamento lo mester ricibi e presupuesto di

aña 2019, miembro di fraccion di AVP a señala. E parlamentario a sigui splica cu den e

presupuesto aki, gobierno tin cu demostra con e ta bay reduci e deficit cu 130 miyon

florin, cu ta e diferencia entre e deficit di aña 2018 y e norma cu a wordo palabra cu

Hulanda pa aña 2019.

“Parlamento ainda no tin confirmacion riba e finalisacion di e negociacionnan ente Aruba
cu Hulanda pa loke ta trata e cuadro financiero nobo. Gasto excesivo cu gobierno a

cuminsa cune pa presupuesto 2018, manera gastonan di personal, tambe lo mester wordo

elimina segun e ultimo informe cu e ricibi di Gobierno, pero ainda no a ricibi nada.

Segun un mocion aproba unanimamente, Gobierno lo mester bin parlamento e luna aki pa

duna un splicacion pa loke ta trata ehecucion presupuesto 2018.

“E splicacion aki lo mester inclui ehecucion di e plan di personal cu gobierno a priminti