Page 10 - FDLP

A19
DEPORTE Diahuebs 29 November 2018

Ultimo torneo di ranking di tennis di mesa pa e aña aki

ORANJESTAD – Pa Aruba
Table Tennis Association,
e sistema di ranking ta
hopi importante. Esaki
pasobra durante cada
torneo, e hungadonan ta
establece nan posicion
mediante mantene
puntuacion halto, pa
asina esunnan cu sobresali
haya e oportunidad di
representa e federacion
den campeonantonan
internacional.

Segun un relato di 297sports,
ta mira den e ultimo añanan
cu e sistema aki a yuda motiva
e atletanan pa haci nan
maximo esfuerso, pa asina
mehora of mantene un nivel
halto y logra ta e number
uno den nan categoria.

E torneo di ranking ta cana
segun schedule di cada
categoria.
Den e categoria U18,
Chingho Chung ta
actualmente ocupando e
prome luga, mientras Jeandry
Mathilda e di dos luga, y
Jonathan Steven Paredes ta
mantene e di tres luga.
Den e categoria di A Klas,
na prome luga a keda Mario
Lobo, na di dos luga Andy
Gomes, y cerando e trio na
tercer luga a keda Jeandry
Mathilda.
Den e categoria di B Klas,
James Letren a logra keda
na prome luga, cu Franklin
Lopes na di dos luga, y
finalmente Wing Chow
Leong a keda cu e tercer luga.

E torneo mas importante,
esta pa clausura e temporada
di 2018 di tennis di mesa, lo
inicia otro siman, ora cu e
hungadonan lo enfrenta otro
durante e Copa Aruba.

Potret cortesia di 297sports.