Page 21 - FDLP
P. 21
Partido RED ta pendiente y ta sali for di e punto di bista cu un acuerdo ta pa wordo
cumpli cun’e. Partido RED ta consciente cu e gobierno den su prome periodo a hay’e ta
resolve un boshi di problema, cuminsando cu e presupuesto supletorio. Sigui na januari
cu’n deficit di 276 miyon florin. Nan ta un gobierno cu a campa cu casi mei biyon florin
na deficit, pa djis e gobierno sigui draai so. E prome lunanan tabata trahamento di
plannan, deal cu Hulanda y CAft. Tur esakinan ta tuma tempo.
No por legalisa asina no mas. Esaki mester bay segun un ‘stappenplan’. Y e legalisacion
di cannabis ta hayando su atencion debido y ya e minister di Salubridad tabata tin un
conferencia en conhunto cu ministernan di Salubridad di Reino, pa yega na areglonan a
base di consensus. Y pa dia 30 di november tin un conferencia tras di porta cera cu
expertonan y dia 1 di december, tin un conferencia cu portanan habri.
No ta pasobra cu su persona no ta skirbi articulo tur siman of no ta den prensa tur siman,
no kiermen cu Sr Croes y/o coalicion no ta cumpliendo cu nan palabra ariba e tema di
legalisacion. Esey ta un storia infunda pa desacredita e coalicion aki y berdad y tempo ta
na nan fabor. Esey ta bay wordo demostra ora cu e cosnan de facto tuma luga. Te asina
leu, palabranan di Sr. Ricardo Croes, tocante legalisacion di cannabis.
https://masnoticia.com/legalisacion-di-cannabis-medicinal-no-ta-den-man-di-
red-so/
