Page 25 - AWEMAINTA

AWEMainta Diabierna, 21 April 2017 25

Diasabra 22 di april ta

Final di e torneo Easter

Lionfish Hunt 2017

DIASABRA 22 di april, Dia di Mama Tera lo ta e clau-
sura di e torneo Easter Lionfish Hunt 2017. Un torneo cu
a cuminsa for di diasabra 8 di april y a sigui te cu diasabra
awor 22 di april pa 1:00pm. Tin caba 7 team inscribi cu ta
participando y ainda tin oportunidad pa otro team inscribi
y participa. E posibilidad ta grandi cu ainda e team nan por
cay den premio.

Manera ya ta conoci caba ta pagando Awg 13.00 pa kilo di
Lionfish. Diasabra lo sigui cu pisamento, midimento, entrega
y pago di Lionfish invasivo: Tur Lionfish gara lo mester keda
entrega pa e evento di e cookout p’asina tur hende purba
Lionfish, etc.

Lo bay tin premio otorga pa total peso, como tambe pa di
pisca registra. Tambe lo tin premio pa mayor ehemplar,
Lionfish mas grandi (largura total). Esta di nanishi te final
di rabo.
Tambe pa menor ehemplar, e Lionfish di mas chikito. (lar-
gura) Total length. Lo bay tin diferente Trofeo pa e torneo
di Easter Lionfish Hunt.

E cazadornan di Lionfish tin cu trece Lionfish diasabra no
mas tarda cu 1:00pm. Esey ta e ultimo ora pa trece Lionfish
aden. For di 12:00pm, publico por pasa purba Lionfish.
Lo bay tin Lionfish hasa, Lionfish wings y Ceviche di Lion-
fish. E bar di Nos Clubhuis lo ta bon surti manera custumber.