Page 15 - ARUBA BANK
P. 15
Coredonan reconoci di Aruba Bank a uni pa representa Aruba Bank den e competencia di
King of the Hill. E ekipo a participa den e categoria di Corporate Relay, caminda cu
Jermaine Molina, Ramon Mas, Soraya Tromp, Michael Geerman y e legendario Richard
Rodriguez tawata tin e tarea di core den estilo “estafette” pa yega na top di Hooiberg.
Durante di dos (2) siman e ekipo a train pa yega bon representa na e prome competencia
di King of the Hill na beneficio di Fundacion Autismo Aruba. E meta principal di e
careda tawata pa completa e recorido te na top den menos tempo posibel.
Sostenedonan y coleganan a yega trempan pa sostene nan ekipo di coleganan y cu hopi
ambiente a comparti un dushi atardi. Aruba Bank a marca pauta den e Team Relay di
King of the Hill y tin e record pa 2018. Aruba Bank ta felicita tur participante,
specialmente e team di Jermaine Molina, Ramon Mas, Soraya Tromp, Michael Geerman
y Richard Rodriguez, kendenan a sobresali durante e competencia aki.
