Page 56 - HOH
P. 56
PUBLICO BASTA GRANDI A
ASISTI NA CHARLA RIBA
PARKINSON NA MFA
PARADERA
16 April, 2019, 5:42 pm
Diahuebs anochi a tuma luga un charla cu ta trata e tema di e malesa di Parkinson, na
MFA Paradera, caminda cu informacionnan hopi interesante a wordo treci p’adilanti, con
pa biba cu e malesa aki, precisamente riba e dia cu ta conmemora como Dia Internacional
di Parkinson, esta 11 di April..
Rita Lopez-Henriquez, presidente di e Organisacion Parkinson Aruba, a conta cu e charla
aki tabata pa nan pashent y a invita pueblo en general di Aruba pa esnan cu no ta registra,
cu dr. Roberto Weiser, cu ta un neurologo y hopi activo cu e organisacion pa e malesa di
Parkinson. El a traha hasta full e programa pa e organisacion. Por mira cu ta un persona
hopi interesa. Su pashentnan, tur ora cu bay cerca dje y cu e sa cu nan tin Parkinson, ta
anima nan pa asocia cu e organisacion y asina aki pa duna mas concientisacion kico ta
nifica e malesa di Parkinson.
