Page 24 - AWEMAINTA

24 Corsou AWEMainta
Miedu despues di menasa a pone
Rumannan Leonora a mata
Woelbaai ku su mes arma
WILLEMSTAD. Komunidat di Kòrsou a keda mal
sakudí despues di e asesinato teribel ku a tuma lugá ku
armanan di kandela dia 21 di sèptèmber 2018 den e
bario Santa Helena.
Tabata e rumannan Shaquille Leonora (22) i Shamielle
Leonora (20) kendenan a sera kabes i para kantu di ka-
minda warda e konosido ‘rapero’ R. Woelbaai “Boel-
baai” di 31 aña di edat pasa bai den su outo kòrá pa por
a tir’é mata ku un ráfaga di bala.
Ambos ruman Leonora a kaba tur nan balanan riba e
víktima di kua 5 bala a drenta i keda den esaki su kurpa,
6 bala a drenta i sali otro banda di e kurpa, siendo 1 bala
a rach’é sigui bai. Pero a konstatá ku 3 di e balanan ku a
alkans’é ta realmente esunnan ku a okashoná morto di
R. Woelbaai, ya ku nan a penetrá den su skouder robes,
pasa bai den su serebro, paralisá su kurason etcetera.
Den sala di korte djabierne e rumannan Leonora a at-
mití ku nan tabata amigu di R. Woelbaai te na momen-
tu ku un persona a hòrta den nan kurá di kas i nan a
sospechá ku tabata e propio R. Woelbaai ku a kometé e
ladronisia aki.
Tantu mama di e dos rumannan Leonora komo e dos
sospechosonan mes a bisa Woelbaai flèt ku e no ta bon-
biní mas na nan kas den Orinocoweg, loke a kousa rabia
pisá serka Woelbaai.
Apenas 1 ½ aña nan tabata konosé otro na wega di fut-
bòl.
Woelbaai na su turno a rabia i a menasá famia Leonora
ku morto, bisando ku lo e pasa tira riba nan kas.
Rumornan tabata sirkulá ku e bario di Santa Helena
kompletu tabatin Woelbaai komo un persona suma-
mente peligroso i ku no sa bèk pa nada.
E mesun Woelbaai ta ser menshoná komo esun ku a
tira mata na trùk di pan aya na Palu Blanku dia 21 di
yanüari 2018 i ku a konosé e desenlase fatal den e sen-
tido ku L.G. Frederick a pèrdè su bida.
Pero, fiskal mr Ivo Out a bisa djabierne ku ningun mo-
Dialuna, 1 April 2019
mento so no ta probá ku ta Woelbaai ta esun ku a mata,
maske abogado Eldon “Peppie” Sulvaran entre tantu
a logra saka liber Gherardi Jansen kende tabata e sos-
pechoso prinsipal di e asesinato na Palu Blanku tempo-
ralmente den libertat!
A propósito, tratamentu di e kaso aki lo kontinuá dia 5
di yüli binidero.
KONOSIDO DI HUSTISIA
Woelbaai tabata un bon konosí di hustisia.
E tabatin delitonan kometé tantu na Ulanda komo na
Kòrsou. Por ehèmpel na añanan 2007, 2006, 2005
manera intento di asesinato, violashon ku lei di droga i
ta asina tambe ku na Ulanda te hasta Woelbaai a keda
poné na disposishon di Estado. Djis algun dia promé ku
su morto a sosodé ku Woelbaai a aparesé riba whatsapp,
kantando un ‘rap’ tokante su bida, kaminda el a splika
ku e no tin miedu di apsolutamente nada, kaminda e ta
referi na pelea entre gèngnan.
Ademas el a menshoná e konosido gèng di Koraal Specht,
NLS. Remarkabel ta ku ningun di e rumannan Leonora
no tin un pasado ku hustisia, nan mas bien tabata traha
pa yuda nan mama, segun rapòrtnan di Reclassering i
otro instansianan konserní a indiká.
Pero masha straño ta ku tantu Shamielle komo su ru-
man Shaquille Leonora a bisa ku e armanan di kandela
ku nan a uza pa mata Woelbaai ta loke nan a haña serka
e propio Woelbaai pa warda.