Page 9 - MIN ECEM_Neat

Aruba demostrando liderazgo riba energia

alternativa

-

Parlamentario Clarisca Velasquez

ORANJESTAD(AAN)— Siman cu a pasa gobierno di Aruba, Utilities Aruba NV, WEB
Aruba NV, Elmar NV y Refineria di Aruba a firma cu diferente partner e realizacion di
sunrise solar park cu lo bira e parke solar di mas grandi di Aruba cu casi 6 megawatt y
cu lo haci cu WEB lo yega mas cerca di su meta cual tambe ta vision di gobierno di bira

100% riba energia alternativa na aña 2020.

Cu e realisacion di e proyecto di sunrise solar park ta haci cu Aruba ta demostrando
liderazgo den energia alternativa cumpliendo asina cu vision di gobierno pa yega 2020

na 100% riba energia alternativa kitando asina e dependencia completo riba fuel oil.
Sunrise solar park lo ta ubica riba e tereno cu antes tabata di refineria Valero y a keda
recupera den e negociacion cu Citgo.

E tereno tin 92 mil meter cuadra di cual gobierno di Aruba, WEB y RdA ta asigna e parti
cu ta net na e subida di Lago Heights pa e produccion di energia solar. Cu e proyecto
aki ta yega mas cerca di e meta pa aña 2020 cu e total di mas o menos 34 megawatt
piek cu lo bai instala y cu lo ta beneficioso pa nos hendenan ora nan haya nan recibi di

awa y coriente pero tambe pa nos medio ambiente. Pesey ta apoya gobierno, WEB
Aruba NV y Elmar NV den tur e proyectonan riba energia alternativa pasobra e caminda
ey mester bay si nos kier bira completamente independiente di fuel oil. Pabien na
gobierno, WEB Aruba NV y Elmar NV cu e construccion di Sunrise Solar Park.