Page 49 - MIN ARENDS_Neat

Prome Minister Eman y Minister de Meza a reuni cu
Integrantenan di Comision di Calamidad na Bestuurskantoor

Thursday, 01 June 2017 20:55
Comparti

Diamars anochi laat, Prome Minister Mike Eman, Minister ing. Mike de Meza y integrantenan di
Rampenbureau di Aruba
, a yama un conferencia di prensa extraordinario pa suministra informacion riba e ultimo desaroyonan
rond di e ‘oil spill’
cu ta den cercania di islanan ABC, particularmente Aruba.
For di cuminsamento di anochi caba, integrantenan di Oficina di Calamidad a yega pa reuni cu e dos
ministernan den edificio Cocolishi, anexo na Bestuurskantoor. E reunion, cu tabata uni hopi intensivo, a
dura algun ora. Durante e reunion a tuma contacto cu expertonan local y internacional riba e topico, pero
tambe tabata den contacto cu esnan trahando pa resolve e mesun problema na Boneiro, cu a haya mucho
mas efecto di oil spill cu te na e momentonan aki na Aruba. Segun informenan for di Boneiro, e
frecuencia cu e ‘tarballs’ ta yega tera a disminui hopi caba na nos isla ruman.
E conferencia di prensa a wordo habri pa Prome Minster Mike Eman, sigui pa director interino di Oficina
di Calamidad, Rino Hermans y tambe director di Departamento di Obranan Publico (DOW), ing. Marlon
Croes y presidente di President of Aruba Birdlife Conservation Greg Peterson.
“Desde ayera, cu nos a cuminsa experiencia e contaminacion riba e area panort di Aruba, a inicia un
proceso cu ta un cooperacion integral di instancianan, departamentonan y NGO’s cu ta coopera, cu ta
reuni y ta desplega trabounan operacional pa haci tur cos posibel pa nos por evita y, hopi caminda tambe,
haci e trabounan di limpieza cu mester tuma luga na e diferente beachnan di e parti nort di nos isla,”
Prome Minister Eman a cuminsa splica.
E reunion di diamars anochi tabata atendi pa entre otro Brandweer, Cuerpo Policial, DBG, DOW,
Directie Scheepvaart, Kustwacht, Directie Natur & Milieu, Parke Nacional Arikok, Departamento
Meteorologico y Minister di Turismo, Transporte, Energia y Medio Ambiente ing. Mike de Meza hunto cu
representantenan di Aruba Tourism Authority.

Prome Minister a splica cu e limpieza ta sigui na e parti panort di nos isla, dor di ploegnan di DOW,
reforza pa SERLIMAR hunto cu Parke Nacional Arikok. “Locual nos a constata durante dia awe
(diamars) mainta tempran, haciendo diferente bishita na e sitionan afecta, ta cu e cantidad di ‘patches’ y
e ‘tarballs’ cu tabata yegando na e costa panort di Aruba, segun e ploegnan cu ta trahando, a cuminsa bira
menos.”
Prome Minister Eman a bishita hunto cu presidente di Aruba Bird Life Conservation, Greg Peterson, e
islanan dilanti di Baby Beach y Refineria, caminda tin hopi parha ta broei. Ey por a constata cu e area ey
no a wordo afecta. Prome Minister a bisa si cu segun informenan, banda di Santana di Cacho, a indica
algun ‘patch’.
Visiblemente den e awa y serca di costa por a ripara cu tin menos cu e dianan anterior. Esey sigur ta un