Page 43 - ATA
P. 43
Minister Dangui Oduber
ORANJESTAD (AAN): Ta posibel pa brinda e turistanan europeo un experiencia turistico
unda ta envolve e islanan ABC (Aruba, Bonaire y Corsow)? Tres isla den un?
Relaciona cu esaki Minister di Turismo, Dangui Oduber a duna di conoce cu esaki ta un
topico cu for di aña pasa tabata atende cune hunto cu Minister di Turismo di Corsow pa
hunto cu Bonaire pa wak con por ofrece un pakete na e bishitante europeo.
Con por yega na un acuerdo di cooperacion pa no solamente turistanan cu ta bin cu
avion, pero den barconan crusero.
Un di e retonan di e barconan crusero ta cu door cu Aruba ta den zuid hopi di e
barconan no ta bin manera cu ta desea. Tur ta concentra den e Caribe banda di Sint
Maarten, Eustatius, Puerto Rico, entre otro.
Apesar di esey, Aruba ta haya 815 mil turista crusero cu tambe ta un record
nobo. Corsow ta habri pa e pensamento aki mescos cu Bonaire. Ta solamente cuestion
di sinta na mesa y yega na un acuerdo di cooperacion y presenta un pakete ABC pa e
turistanan europeo, Minister Oduber a indica.
https://www.diario.aw/2019/06/acuerdo-di-cooperacion-ta-posibel-entre-islanan-abc-pa-presenta-un-
pakete-di-vacacion-na-e-turista-europeo/
