Page 78 - ATA

Desde cu na januari ultimo, Merca a dicidi di sanciona e gobierno di e
mandatario Nicolas Maduro cu e suspension di pago di e benta di crudo, cu den
practica ta ekivalente na un paro di e importacion di petroleo, e produccion
Venezolano a cay den casi 400 mil bari pa dia, segun cifranan di e Agencia di
Informacion di Energia di Merca.

E medida di Cas Blanco a nifica un golpi fuerte pa e finazas di e gobierno
Venezolano, ya cu Merca e tempo ey tabata e cumprado mas grandi di e crudo y
su fuente mas grandi di divisas en efectivo.
Prome cu sancionnan , entre 40 pa 50% di e petroleo tabata bay Merca, y e
resto principalmente pa India y China, cu ta importa algo mas di 20% cada
uno”, e analista Hari Seshasayee, di Wilson Center, a informa na BBC Mundo.
E decision di Washington a duna India un posicion di gran relevancia pa
economia Venezolano, ora cu el a bira e prome cumprado di crudo.
Si tuma na cuenta e necesidadnan grandi di energia importa cu e economia di
India tin, na comienso analistanan a contempla e posibilidad di cu e gigante
Asiatico lo por absorbe e casi mey miyonn bari diario cu Washington tabata
cumpra di Caracas.
E hipotesis aki, sin embargo, pronto a wordo descarta y awo, despues di e
anuncia di e embahador Indio na Washington, cual tur cos ta indica e
ceramento di e mercado di India na e crudo Venezolano.

https://masnoticia.com/india-ta-stop-di-cumpra-petroleo-venezolano/