Page 20 - AVB

Departamento di Aduana Aruba a tuma nota di speculacionnan y rumornan cu ta andando

riba medionan social y medionan di comunicacion encuanto di e caso di “vernietiging” di

balanan di futbol door di ambtenaarnan di Aduana.

Departamento di Aduana Aruba kier aclarea e sucedido pa asina publico en general y

medionan di comunicacion comprende con e proceso di “Vernietiging” ta tuma lugar y

precies kiko a tuma lugar den e caso di e balanan di futbol.

Den tur caso cu mercancianan yega Aruba nan mester haya un douanebestemming

(destinacion di aduana). E destinacionnan aki ta: Invoer, Doorvoer, Opslag den entrepot).

Na momento cu e mercancia a wordo warda den entrepot e douanebestemming por bira

Doorvoer, Overbrenging ander Entrepot, Invoer (brengen in het vrije verkeer) of

Vernietiging.

Den e caso especifico aki e mercancianan tabata warda den un entrepot wardando riba un
douanebestemming manera menciona ariba. Departamento di Aduana Aruba a duna e

cliente (Broker) aki posibilidad pa duna e mercancia warda den e entrepot un

“douanebestemming” sea ta pa paga invoerrechten, saca nan for di Aruba of hibanan pa

otro entrepot (incluyendo entrepot gubernamental). E cliente (Broker) mes a opta pa

destrui e mercancia, consecuentemente e tarea di Departamento di Aduana Aruba ta pa

supervisa y asegura cu e mercancia a wordo destrui debidamente y no drenta circulacion

na Aruba sin paga impuesto di importacion.

Departamento di Aduana ta lamenta e consternacion rond di e caso aki di e balanan di

futbol cu sigur a crea disgusto den nos comunidad, pero por garantiza pueblo cu e

ambtenaarnan di Aduana a actua correctamente.

https://24ora.com/douane-ta-aclarea-procedura-di-vernietiging-den-caso-di-

bala-di-futbol/