Page 37 - AHATA
P. 37
FUNDACION RANCHO A
INAUGURA HANCHI DI AWA
22 March, 2019, 11:08 pm
Diabierna mundo a celebra dia internacional di awa y pa tene na cuenta e aspecto di awa,
Fundacion Rancho a tuma esaki hopi na serio. Esaki ta bin door di e monumento cu ta
protegi y esaki tin di haber cu tanki di awa. E historia di awa na Aruba tambe tin su balor
y mestr dun’e su atencion.
E fundacion a inaugura e Hanchi di Awa y a bin cu e nomber den e contexto di tanki di
awa. Esaki tabata algo hopi grandi mirando e colaboracion cu nan a ricibi di diferente
instancia, pero tambe e sponsor di WEB Aruba. Por fin e fundacion a yega na e top pa
traha hunto y conscientisa Aruba tocante e importancia di awa.
E proyecto adopta un hanchi ta tumando luga y semper a bisa cu no tin un final te ora cu
tur hende bisa nan ta contento cu locual nan ta desea. E proyecto adopta un hanchi a yega
na un otro hanchi un biaha mas, cu ta hayando su atencion. Algun aña pasa nan a haci
limpi y a haci mescos. Tin biaha mester tuma un momento pa yuda embeyece bo
teritorio, bo area. Pa Fundacion Rancho e hanchinan ta hopi importante. Pa mantene esaki
limpi ta trabou di e hendenan cu ta biba den e bario, esunnan cu ta frecuenta den bario.
Tur e comunidad cu ta pasa den e area aki mester yuda mantene.
