Page 75 - KPA

Paul Croes ta unico

minister sospecha den

caso di permiso

Published on March 28, 2017 in Policial
ORANJESTAD,Aruba
Ministerio Publico a confirma cu na Aruba tin un caso basta grandi di corupcion
relaciona cu dunamento di permiso. Den e caso aki minister cu tin na su encargo
asuntonan social, labor y hubentud Paul Croes ta un sospechoso. Ministerio publico pa
medio di fiscal mayor Erick Olthof a bisa di a invadi un total di 13 luga cu ta cas, oficina
y fundacion. Loke a drenta haci ta confisca documentonan administrativo pa sigui cu e
investigacion segun e fiscal. E sospecho ta cu e minister y algu trahado di su ministerio
lo a acepta regalo, despues di a duna servicio na stranhero pa jega na permiso di
trabao. E investigacion ta den man di dos huez comisario, personal di landsrecherche,
RST, KPA, FIOT y FIOD y marechaussee. Awe mainta na e 13 sitionan cu a drenta a
confisca documentonan administrativo cu por sigi juda den e investigacion mientras cu
algun trahado a ser hiba pa duna mas informacion riba e investigacion aki. Fiscal Major
a bisa cu ainda no tin detencion, pero den e proximo dianan of kizas ora esaki lo por
pasa. Fiscal Major Olthof a bisa tambe cu corupcion ta debi cu e sospechosonan a haci
malversacion y soborno.

“Ta importante cu

investigacionnan asina tuma luga,

pa doloroso cu nan ta”

28 March, 2017
0