Page 89 - KPA
P. 89
Prome declaracion di Minister Paul Croes awe
Tuesday, 28 March 2017 18:42
Comparti
Siendo colega pa hopi aña na Departamento di Relacionnan Exterior, awe e saludo di Nicole Hoevertsz
na Minister Paul Croes na su salida for di Bestuurskantoor despues di un reunion cu Minister Presidente
tabata yena di compasion y convivencia.
E secretario di Conseho di Minister a para pa algun minuut dialoga cu Minister Paul Croes, prome cu el a
subi auto cu 3 coordinador pa bandona edificio di Cocolishi. E no kier a contesta preguntanan di prensa y
a bisa cu e no por bisa nada ainda. E mandatario no a bisa si e lo keda den funcion of lo pone su funcion
disponibel mientras e investigacion ta andando. Tampoco e no kier a comparti contenido di su
combersacion cu e prome mandatario di nos pais y alabes lider di e partido unda e ta milita desde aña
2009. Probablemente mayan lo mester scucha mas di e decision, pa sa si Minister Paul Croes ta sigui den
politica of ta tuma un pausa mientras e investigacion penal aki ta andando.
