Page 16 - BNDIA ARUBA

A16 HENDE HENDE A17
Diaranson 14 november 2018 Diaranson 14 november 2018

Miss World Aruba Nurianne Arias na Sanya, China

ORANJESTAD - Aruba su representante pa Miss World, Nurianne Arias, ya caba tin algun dia na Sanya, China, pa e eleccion di Miss
World, cu ta tuma luga dia 8 di december.
Segun un comunicado di e organisacion, for di momento cu Nurianne a yega aeropuerto, mesora hopi persona a reconoce y a pidi su persona pa saca
potret cun e, y esey a pasa tambe na hotel, cual a causa un bunita impresion tambe di e organisacion mes di Miss World, cu por a mira y sinti cu nos
representante ya caba tin e atencion eynan.
Diferente actividadnan ta tumando luga na caminda pa e evento final. E candidatanan mester a haci un audicion pa nan ‘Dances of The World’, den
cual Nurianne a luci un trahe special diseña pa nos talento local, Rhona Lemminga, y un headpiece fabuloso traha pa Carlos Tromp y Boedoem,
decora pa Jermaine Carasquero. Tambe nan prueba di talento, unda Nurianne a toca riba piano bisti den un trahe blanco beyisima diseña pa Endy
Croes.
E concursantenan a participa den un parada cu trahenan tradicional di nan pais, y aki Nurianne a luci un trahe folklore di nos isla danki na Freddy
Tromp y The Popcorn Dancers. Tambe nan ta preparando pa nan ‘Head to Head Challenge’ den cual Nurianne a cay den grupo no. 17, hunto cu
Malta, Rusia, Mexico, Spaña y Nort Irlanda.
Nurianne ta sinti su mes hopi trankilo y hopi sigur di su mes, aunke e dianan ta largo cu yen di actividad, pero nan ta gosando di e bunitesa di China y
mescos tambe cera conoci cu e candidatanan mas di cerca. “Un di e factornan importante tambe ta rednan social, y p’esey mes nos ta pidi tur persona
pa yuda nos crea trafico riba e App di Mobstar. Con pa haci esaki ta masha facil. Download e aplicacion di Mobstar, riba bo telefon, e ta gratis, log in
cu bo cuenta di Facebook of e-mail, buscaNurianne Arias y sigui e, like tur su postnan door di swipe esakinan na banda drechi, y asina e puntuacion
ta subi”, e comunicado ta bisa. “Ta importante si por bay tur dia wak postnan nobo y swipe nan, lo ta great tambe si riba Instagram y Facebook por
like y share y laga comentario, pa asina mas hende por sigui nos representante. Riba Instagram bo por haya Nurianne como nuriannearias, tambe por
wak potret riba Miss World Time y Miss World News y tambe riba Facebook: Miss World Aruba.”