Page 9 - BNDIA ARUBA

A9
REINO Diaranson 14 november 2018

Tres militar hiba corte pa accidente fatal di buceo

WILLEMSTAD – Fiscal
publico ta lanta un
caso contra tres militar,
pa motibo di nan
participacion den un
accidente fatal di buceo
na Corsou na 2015, den
cual un muhe di 23 aña
di edad a perde su bida.
Nan ta acusa di a viola
regulacionnan di servicio,
y di e forma aki, crea un
‘situacion cu ta menasa
bida’, segun fiscal a
anuncia dialuna.
Segun un relato di nltimes,
e militarnan ta dos homber,
edad 44 y 51 aña, y un muhe
di 49 aña di edad. Tur tres
ta miembro di e marina real
Hulandes.
E victima tabata parti di un
unidad di buceo marino,
cu tabata haci un ehercicio
di varios dia na fin di
november 2015. El a dive
na un profundidad di 40
meter, unda el a reporta cu
awa tabata drentando su
mask. Un tempo despues, su
comunicacion di stem a stop,
y nan a switch pa comunica
riba e linea di señal, segun
e fiscal. Na final di e buceo,
e muhe no a responde na
señalnan via linea mas. A
lansa un operacion di rescate
na e momento ey, pero ya
tabata mucho laat.
Segun fiscal, e ehercicio lo
mester a stop na momento cu
a perde comunicacion di stem
cu e muhe. Fiscal ‘tambe ta
acusa e sospechosonan di no
a tene contacto suficiente cu
e buceado despues di e fayo
di comunicacion di stem’.
Otro homber, di 51
aña di edad, ainda ta
den interogacion como
sospechoso. Ainda no ta
conoci si e tambe lo wordo
hiba corte.

Like
Like

us on
us on

Facebook
Facebook

Bon Dia 24 Aruba
facebook.com/bondianoticia