Page 73 - ECEM MIKE DE MEZA DEC 7

Booshi Wever di UPP: Serlimar ta e solucion

Tuesday, 06 December 2016 20:28
Comparti

Nos a combersa cu sr. Booshi Wever, kende ta lider di UPP y e tabata na dump na Parkietenbos. E ta ex minister cu
tabata encarga cu dump. El a bin pa duna sosten pa e trahadonan cu ta den protesta. No solamente esey, pero e ta
sostene tambe e compania nacional, patrimonio di pueblo Serlimar. Esaki ta e peliger cu tin grandi.

E consecuencia unabes cu bende of regala un compania sea nacional of internacional, bo regala bo patrimonio
nacional, e personal ta bay core riesgo. No solamente personal, sino e pueblo lo bay sufri. Una bes cu e bay den man
di un comerciante, un persona cu ta bay maneha esaki pa gana placa, logicamente e ta bay cobra e pueblo. Si
Gobierno ta bisa awo cu ta bay paga, nan no ta bay pag’e for di nan saco. Ta placa di pueblo, placa cu por ehempel cu
tin cu bay pa educacion of pa cuido medico. Esaki ta pa yena saco di un comerciante, cual ta contra. Pesey ta bisa cu
UPP ta sostene e personal den nan accion, pero no solamente pa nan trabao, pero pa e compania cu ta di pueblo.
Esaki ta nan lucha. Como partido Social Democrata, no ta permiti pa un patrimonio nacional bay den man di un
compania priva. Mescos cu e tempo ey, Wever a para den un otro organisacion politico, pa e benta di Setar na
Fabela, awe Wever ta para pa regalamento di un compania nacional na un compania den e caso aki local, pero priva.