Page 5 - DIGICEL

AWEMainta Diamars, 27 December 2016 13

Famoso cantante George

Michael ta fayece cu 53

aña di edad

GEORGIOS Kyriacos Panayiotou, conoci mun-
dialmente como George Michael, a fayece na su cas
den Oxfordshire cu edad di 53 aña.

Su manager, Michael Lippman, a bisa cu e causa
di morto tabata un paro cardiaco.

“Ta cu gran tristesa nos ta confirma cu nos querido
yiu, ruman y amigo George a fayece pacificamente
na su cas den e temporada di Pasco.

E famia ta pidi pa respeta nan privacidad durante
e momentonan dificil y emocional aki”, asina su
publicista a declara.

Polis y ambulance a presenta na e cas riba diado-
mingo 25 di december den Goring, Oxfordshire
alrededor di 1:42pm.
Mas informacion no ta ser duna tanten cu autopsia
no tuma luga.

Hunto cu su amigo Andrew Ridgeley, Michael a
salta na e fama formando parti di e duo di pop
Wham!, conoci pa nan hits manera Club Tropicana
y Last Christmas.

Tambe e tabatin un carera exitoso como solista,
produciendo canticanan manera Careless Whisper,
Faith, Outside y Freedom! 90. Ademas el a colabora
cu artistanan renombra manera Elton John, Aretha
Franklin y Queen.

Musiconan, celebridadnan y politiconan a expresa
nan tristesa y a duna tributo na George Micheal
riba social media despues cu su fayecimento a ser
confirma.