Page 53 - ARUBA BANK

mas trankilidad segun e mandatario. “Nos a splica nan cu te asina leew nos por bay. Mas
cu esaki nos pueblo no por carga”. E ta sigui bisa cu ta hopi importante pa señala cu den e
presupuesto 2019 no tin mas aumento di belasting. “ Nos ta wardando riba e rapport di
IMF pa reforma di belasting pa haci e sistema di belasting mas husto. Awor nos falta e
conseho di Raad van Advies pa despues Parlamento trata e presupuesto”. Manera indica
caba, e conseho di CAFT ta wordo publica dia 23 di October. Potret ta di archivo di
NoticiaCla.

OPOSICION

Diamars ainda partido di oposicion AVP a reclama cu gobierno ainda no a publica e
conseho di CAFT, siendo cu ta siman pasa CAFT a entrega Gobierno di Aruba nan
conseho. " Lo saca afo dentro di algun dia e conseho di CAFT y Fraccion di AVP ta
sperando ansiosamente riba dje" parlamentario Richard Arends a laga sa diamars ainda.
Parlamentario di Fraccion di AVP, mr. drs. Richard Arends a expresa di ta lamenta cu
Parlamento ta ricibi informacion di e presupuesto for di otro organo y no for di
Gobierno.