Page 6 - ARUBA BANK

Vocero di Departamento di Impuesto (DIMP), Meverly Romano ta splica cu si a pone

beslag riba un auto of un cas of e inboedel di un cas, e cliente no ta liber mas pa dispone

di nan. E no por coy e articulonan ey, bendenan sin cu Departamento di Impuesto sa.

Si ainda no a yega na un areglo cu e cliente despues di e beslag, e ora e parti mas ultimo

cu ta yega na dje ta, cu ta bay over na bende e articulonan ey. Esey den procedura di

belasting y cobramento di un debe cu tin habri, ta algo cu ta sosode.

Departamento di Impuesto ta tene findishinan (openbare verkoop). Esey ta na momento

cu definitivamente no a yega na un areglo cu e cliente y cu no tin posibilidad tampoco pa
e cliente mes bin haci e pago di su debe cu e tin habri. E ora ey ta bay over na bende su

pertenencianan.

Pero, ora di bende e pertenencianan tambe, tin cu evalua tambe e redelijkheid di e caso.

Por ehempel teoreticamente Departamento di Impuesto lo por tuma un auto den beslag di

un persona y cog’e bende. Teoreticamente lo por pone beslag riba un cas, pero den

practica si e cas por ehempel ta e unico cas, esey ta residencia principal, di e cliente y no

ta bay over na lag’e sin dak.

No ta bay over na coy e cas bend’e of coy e auto bend’e.

Ta hopi cos mester pasa prome cu por yega na e punto final eynan. Normalmente

Departamento di Impuesto ta purba den tur manera pa yega na un areglo cu e persona.

Tin ora e persona mes ta declara cu ningun manera su situacion no ta permiti pa e haci e

pago cu e tin.