Page 3 - tmp_Neat

AHATA a presenta su plannan pa 2017

BY: LOOP NEWS
07:56, February 1, 2017

6 VIEWS

Riba diabierna dia 20 di januari ultimo,

Aruba Hotel and Tourism Association (AHATA) a tene su prome Asamblea General di miembro pa
aña 2017 den Alhambra Ballroom. E proposito primario di e reunion tabata pa presenta e plannan
pa 2017 na su miembronan y pa eligi un hunta di directiva pa e aña nobo. Actualmente AHATA tin
96 miembro activo y pa e prome reunion di aña 42 tabata presente. Chief Executive Officer (CEO) di
AHATA, Jim Hepple, a splica cu e asociacion lo pone enfasis riba tres meta principal pa 2017. Na
prome luga, mehora mas aun e servicio y beneficio pa su miembronan; na di dos luga, reenforsa
nan envolvimento den comunidad y publica e envolvimentonan, no solamente di AHATA, pero
tambe di tur su miembronan den comunidad; y di ultimo, sigui cu su esfuersonan pa sali na
vanguardia di e sector turistico.

E la sigui riba e topico bisando cu AHATA lo recluta un Gerente di Servicio na Miembresia y
Programanan di Comunidad e aña aki pa asina sigura cu ta logra e obhetivonan aki. El a bisa tambe
cu AHATA ta den un situacion financiero saludabel y ta sigui crece den miembresia. Despues di e
informacion presenta pa CEO di AHATA, e miembronan a pasa pa e di dos parti di reunion cu tabata
eleccion di e 13 miembronan di directiva pa 2017. Como Presidente a eligi Tom Calame di Aruba
Marriott & Stellaris Casino; prome Vice Presidente ta Paul Gielen di Renaissance Aruba Resort &
Casino; di dos Vice Presidente ta Ewald Biemans di Bucuti & Tara Beach Resort; Tesorero ta Javier
Wolter di CMB Bank; Secretario ta Joe Najjar di La Cabana Beach Resort & Casino mientras cu den
funcion di director a eligi Samuel Johnson di Barceló Aruba, Warren Stanley di De Palm Tours,
Marin Bijl di Divi Resorts Aruba, Joel Bunde di Hyatt Regency Aruba Resort Spa & Casino, Edgar
Roelofs di Manchebo Beach Resort & Spa, Steve Redkoles di Ritz-Carlton Aruba, Juan Carlos
Blanco di RIU Palace Aruba y Richard Roy di Tropicana Aruba Resort & Casino. Asina cu a termina
e sesion, miembronan a haya e oportunidad pa pasa un rato hunto y combersa den un forma ameno
den un evento di netwerk.