Page 102 - ATA

San Nicolas Business Association A Sinta Cu

Inversionistanan Di Baby Beach Resort San Nicolas

 Local
- 27/06/2019

E Organisacion San Nicolas Business Association (SNBA) a reuni e siman aki cu Three
Rivers Real Estate, kende t’e grupo di inversionista/desaroyadornan di Baby Beach
Resort San Nicolas. Pa hopi aña a papia asina hopi riba e posibilidad pa un hotel na San
Nicolas, sinembargo no a logra.

Pueblo di San Nicolas no kier a sinta warda pa un Gobierno bolbe bin cu promesanan y
no cumpli cu ne.

P’e motibo aki Gobierno a percura pa guia henter e proceso na un forma hopi serio y
transparente.

Minister di Desaroyo Teritorial, Infrastructura y Medio Ambiente sr. Otmar Oduber a
splica cu tabatin casi 14 luna di combersacion y negociacion cu a tuma lugar, pa logra e
gran proyecto aki cu lo ta tremendo pa economia di Aruba y sigur San Nicolas.

Pa locual t’e tema di desaroyo hotelero na San Nicolas, Minister Oduber a splica cu
tabatin combersacionnan cu a tuma lugar caba anteriormente cu SNBA caminda cu a
scucha kico nan tabata mira y kico nan ta desea di e proyecto.

E puntonan aki a wordo inlcui tambe den dialoga cu tabatin cu e grupo di
desaroyadornan.