Page 46 - FDLP
P. 46
Despues cu Royal Power a titula campeon di Copa Noord diadomingo ultimo y a celebra
nan titulo di campeon e siguiente dia esta dialuna Royal Power tin riba calendario play
off di fast pitch AA. Royal Power clasificado number 1 a enfrenta Balashi Premuim
clasificado number 2 den nan di dos wega di e serie di best out of 3. Ganador di e serie
aki ta garantisa sub campeon y lo bay ta wardando riba su contrincante pa final.
Jair Thompson a tira su mihor wega di henter aña cu un control imenso y un velocidad
hopi halto ta silincia e bateria di Balashi por completo pa pone e victoria riba su nomber.
Giancarlo Gomez tambe por mira atras riba un bon performance pero mester conforma su
mes cu e derota riba su nomber. Jair Thomspon ta bay 7 inning completo tirando 34 bola
y 58 strike pa un total di 92 lansamento permitiendo 2 hit y ningun careda mas 1 base por
bola pa un ERA di 0.00. Giancarlo Gomez tambe ta bay 7 completo tirando 53 bola y 57
strike pa un total di 110 lansamento. Giancarlo ta permiti 4 careda limpi y ta regala 4 base
por bola propinando bateadornan di Royal Power 2 ponche.
