Page 24 - MIN.RICHARD ARENDS

Hopi entusiasmo pa reparticion sticker di AVP
Published on December 14, 2016 in Local
ORANJESTAD, Aruba

Lider di partido AVP Mike Eman, demas dirigente, simpatisante hoben y di mas edad di
e partido berde a bini hunto na Green Square riba skina di L.G. Smith Blvd y Adriaan
Lacle Blvd. pa ta parti di e actividadnan cu ta tumando lugar eynan. Un di e
actividadnan cu tabata hala atencion ta ponemento di sticker riba auto di esnan cu
tabata desea esey. Hopi ta e chofernan cu a para na e skina berde pa haya nan sticker
berde den forma di un smiley.

E partido berde, e partido di speransa, ta den preparacion pa su evento anual cu ta
Concierto di Speransa cu e aña’ki a wordo yama Feria di Speransa cu ta tuma lugar
diabierna awor dia 16 di December. Ya for di 5.30 di atardi e varios actividadnan ta
start. Pa cuminsa pone ambiente den curpa diadomingo ultimo dirigente y
simpatisantenan a bini hunto unda cu a presenta integrantenan di e diferente bandanan
cu lo presenta e anochi aki y na mesun momento presidente y miembronan di e hala
hubenil di partido, HAC, a keda presenta na e publico presente. Presidente di HAC ta e
conocido dj Nutzbeatz, kende tambe lo pone e skina tembla diabierna awor cu su
musica cayente.

A keda demostra un entusiasmo grandi pa e sticker nobo di AVP cu ta disponibel pa tur
cu ta desea. Un cantidad di auto y basta taxista, a presenta cu nan vehiculo pa duna
muestra di nan apoyo na e partido berde, y a pone e sticker den forma di un smiley, riba
nan auto.

Tabata un atardi hopi ameno unda e entusiasmo pa eleccion Parlamentario di 2017 a
contagia tur presente. Stickernan ta disponibel pa tur esnan cu kier pone esaki riba nan
auto.