Page 15 - ARUBA AIRLINES

Fiesta Rotaria 2017 a resulta un biaha mas exitoso pa Rotary
Club of Aruba

Tuesday, 04 April 2017 17:36
Comparti

Diadomingo 2 di april a tuma luga pa di 37 aña e popular Fiesta Rotaria organisa pa Rotary Club of Aruba. Mainta
trempan un publico grandi tabata presente na e parking lot di Compleho Deportivo Guillermo Trinidad na Dakota.

E aña aki un biaha mas tabata tin hopi producto, manera muebels, verf, comestibel, mata, paña joyas y articulonan
electronico,boeki na benta na prijsnan hopi atractivo. Ademas di esaki tabata tin hopi stand di bebida, por a cumpra
BBQ y tambe differente snacks. Henter famia por a pasa full un dia na Fiesta Rotaria ja cu pa cada gusto tabata tin
algo. A dedica un huki special pa nos muchanan cu differente wega nan popular.
E publico presente por a disfruta di diferente show di baile di Club di Movimiento y Pierewietje. Tambe di Club
Kibrahacha 60+. Despues di merdia Le Groove, Buleria y D’Licious a deleita e publico te banda di 6’or di atardi.
E aña aki Rotary Club of Aruba a haña bishita di e District Governor di e districto na unda Aruba ta forma parti di
dje, cual ta señor Roger Bose. Roger a keda masha impresiona cu e Fiesta Rotaria.
Na final di e Fiesta Rotaria a saca e numbernan ganador pa e rifa den presencia di notario. E aña aki pa solamente
Afl. 25,- bo por gana un di e 12 tremendo premio nan. E numbernan ganador ta lo siguiente:
1st prize Suzuki Vitara GLX SUV 2017 - 7148
2nd prize All-in Cruise for 2 from Maduro Travel - 13242
3rd prize 55” TCL Smart TV from AMC Unicon - 7640
4th prize 2 ticket Aruba –Amsterdam – Aruba on KLM - 7557
5th prize iPhone 7, 32 GB factory unlocked from Boolchand’s - 4904
6th prize Afl. 1.500,- gift certificate from Kooyman - 10079
7th prize Afl. 1.500,- CMB Money Card - 12951
8th prize Afl. 1.500,- gift certificate from Boolchand’s - 3113
9th prize Afl. 1.000,- gift certificate from Super Food - 3627
10th prize Two-day weekend stay for 2 at Divi Resort Aruba - 6008
11th prize Afl. 1.500,- gift certificate from Hagemeyer - 3782
12th prize Afl. 750,- gift certificate from Pearl Gems - 461

Masha pabien na tur ganador cu den e siguiente dianan lo wordo aserca pa por entrega e premionan. Y hopi danki na
tur esnan cu a aporta na Fiesta Rotaria sea cu a bin bishita nos of cumpra rifa. Nos ta conta cu bo(so) contribucion
atrobe otro aña, asina President Stanley Looman a comenta.
Rotary Club of Aruba kier a gradici tur su miembronan, Rotaractors, Interactors, boluntarionan y sponsors pa hasi
Fiesta Rotaria y e rifa posibel un biaha mas.