Page 4 - ARUBA AIRLINES
P. 4
Ambtenaarnan di Reino
temporalmente no ta biaha cu
Insel Air
3 February, 2017
0
Ambtenaarnan cu ta traha of cu ta biaha den e parti di Caribe di Reino
temporalmente no tin mag di haci biahe di trabou cu e aerolinea Insel Air. A
surgi preguntanan rond di e siguridad di e compania di aviacion. Na e
momentonan aki no tin un bista mucho cla pa loke ta trata di e siguridad di e
avionnan din Insel Air. Pa e motibo aki, como un medida di precaucion a cidici
pa por lo pronto no haci uso di e servicionan di e aerolinea pa biahenan di
trabou. Tambe a dicidi cu lo comunica esaki di forma amplio pa asina otro
pasaheronan tambe ta informa. E inspeccion di habitat y transporte di Hulanda
(Nederlandse Inspectie voor Leefomgeving en Transport ) ta den
contacto estrecho cu autoridad di trafico aereo na Korsou pa haya mas claridad
riba e aspectonan di siguridad riba e aspectonan di siguridad di e avion di Insel
Air.
A tuma e medida aki pasobra Gobierno di Reino ta responsabel pa siguridad di
su personal. E regla aki ta valido pa tur ambtenaar di Reino cu ta den e parti
Caribeño di Reino manera personal di Defensa, ambtenaarnan di RCN
(Rijksdienst Caribisch Nederland), y e empleadonan di Vertegenwoordiging van
Nederland in Curaçao, Aruba en Sint Maarten.
