Page 5 - MIN ON

Clyde Harms: Exposicion di “Fibras, Texturas y Colores” di
William Michaels Guerrero

Tuesday, 02 May 2017 09:23
Comparti

Biblioteca Nacional di Aruba hunto cu Fundación Cultutal y Ecológica Colombiana ta presenta un
exposicion di arte ambiental titula: “Fibras, Texturas y Colores” di e maestro William Michaels Guerrero
di 4 te 12 di mei. Entrada ta gratis. “Arte ambiental” (Environmental art, na ingles) of “arte ecologico” ta
un expresion cu ta wordo uza den dos sentido diferente.

E termino por wordo uza di forma genérico cu referencia na un arte cu ta trata di temanan ecologico of
di medio ambiental natural, mediante estrategianan distino. E ultimo aki ta encera diferente
significacion: *concientisando nos di e fragilidad di naturaleza (cu fotonan di paisaje, pintura, dibuho,
bukinan - y arte propio di mes un lugar); *investigando fenomenonan natural (incluyendo ilustracion
científico manera practicanan artístico interdisciplinario); *usando materialnan natural obteni riba caya
of den mondi (manera ramanan chikito, blachi, piedra, suela, pluma; loke hopi biaha ta wordo yama Arte
di naturaleza); *evitando degradacion medio-ambiental (loke ta inclui obranan “berde” realiza cu
materialnan biodegradabel of recicla: “Ecosculptura”, cu sensibelmente ta integra den un habitat
natural) Henry Laguado, cabezante di Corporación Internacional de Cine cu ta organiza e Festival di Cine
di Bogota anualmente ta un experto den arte y e ta bisa cu e maestro William Michaels ta logra comunica
un paisahe y ta haci su intensidad visibel cu e luz, e material y e fortaleza di e spatula cu e ta uza pa pinta.
William Michaels Guerrero,un ambientalista di curazon, ta president di e Fundación Cultural y Ecológica
Colombiana. Adhunto tres obra di diferente stilo di e mes artista. Bin Biblioteca Nacional entre mei 4 y
12, conoce e maestro William Michaels Guerrero di Manta, Depto. Cundinamarca, Colombia y admira tur
su obranan.

Comentarionan (0)