Page 16 - BNDIA ARUBA

A16 HENDE
Diasabra 6 OctOber 2018

‘Ban uni na e bos di recuperacion’

ORANJESTAD – Riba diadomingo 30 di septem-
ber, Fundacion Ban Educa y Prepara tabata tin su
prome evento anual di conscientisacion riba e tema
di alcohol y droga.

E fundacion kier a gradici e publico presente cu a sali afo
pa scucha y mira e importancia riba alcohol y droga con
nan ta destrui no solamente e persona individual, pero
tambe ta destrui y haci daño na un famia, un bario, henter
un comunidad y un pais.
Mark Koolman y Joseph Dumfries. Rafael de Cuba y
sra. Simmon di Adult and Teen Challenge Cas Speransa
nobo, Audrey Lacle di Adopt an Addict, CAA y FADA
sra. Webb y sra. Solognier tabata presente na e mesa di
informacion, pero tambe a hiba palabra riba e topico aki.

E fundacion a bisa: ‘Mas cu tur cos un danki na tur e
personanan cu a recupera y ainda ta den recuperacion y ta
biba clean cada dia pa e dia. Cada un a duna nan testimo-
nio cu curashi cu a haci e publico pone tur atencion na
cada palabra cu tabata sali for di nan con nan bida tabata,
con nan a cay den alcohol y droga, con nan tabata den e
bida di destruccion, a lucha pa sali y a logra sali. Un tem-
po rechasa pa famia y comunidad, awe uni bek cu famia,
bek den comunidad aportando na nos pais’.

Astrid Vries, presidente di Fundacion Ban Educa y Pre-
para, ta bisa cu ‘e proyecto no a caba akinan. Alcohol y
Droga ta un problema hopi grandi y serio riba nos pais y
e mensahe tin cu continua y lo continua’.