Page 17 - MIN ECEM 3 APRIL 2017

AWEMainta Dialuna, 3 April 2017 17

Reunion hopi fructifero entre POR y Camara di Comercio

SIMAN pasa un delegacion di Plata-
forma Politico POR, E Forsa Nobo riba
invitacion di Camara di Comercio a reuni
cu directiva di e instancia aki y esaki a bay
den hopi bon ambiente.
E reunion aki tambe tabata den cuadro
di e ronda di encuentronan cu POR tin
cu diferente sector pa yega n’e programa
di partido cu ta basa riba un ‘bottom-up
approach’.

Otmar Oduber, Andin Bikker, Joslin Croes
y Eddy Ras a forma e delegacion di POR
cu a reuni cu Directiva di Camara di Co-
mercio y a papia riba diferente tema na un
manera hopi extenso, concentrando riba
necesidadnan di comunidad.
Tambe a papia riba opinionnan general
cu Camara di Comercio tin y puntonan
di atencion cu POR mes a identifica atra-
bes di varios focus group cu tabatin y di
instancianan cu a reuni cu nan caba.

Basa riba e ultimonan, miembronan di
POR a presenta na Camara di Comercio
varios punto di accion cu e plataforma
politico lo pone atencion riba nan.
Debi cu e reunion tabata asina extenso y
no a keda cla cu tur e puntonan di discu-
sion, a palabra cu lo continua cu e reunion
e siman aki pa duna atencion n’e otro pun-
tonan cu no a logra papia riba nan ainda.