Page 31 - ARUBA BANK

Manera ta conoci dia 2 di september 2019 ta e deadline pa nos entrega nos aangiftebiljet Inkomstenbelasting
2018. Manera ta custumber e aña aki tambe MEP tabatin su campaña pa yuda yena aangiftebiljet
Inkomstenbelasting. Esaki a tuma lugar dianan 13, 14, 17, 20, 22 y 24 di augustus. Durante e 6 dianan aki
MEP a yuda mas cu 600 persona. En totaal MEP a conta cu un grupo di boluntario cu a haci e campaña aki un

biaha mas posibel. Ta trata di un grupo di 13 boluntario dinamico y cu hopi gana pa yuda esnan cu tin mester
di dje. Di curason mester gradici cada un di nan, di esnan cu ta prepara cede, registra personanan y esnan cu ta
yuda yena e formulario.

Ariba peticion special di publico e grupo di boluntario a dicidi di ofrece e servicio pa yena e aangiftebiljet un
dia mas, esta diamars 27 di augustus 2019 di 6’or di atardi pa 9’or di anochi. Haci uzo di e oportunidad brinda
y cumpli cu entregamento di e aangiftebiljet na tempo.

Documentonan necesario pa nan por yuda bo yena e formulario ta e.o.:
Loonopgaaf 2018 SVB
Loonopgaaf 2018 APFA

Loonopgaaf 2018 di Lago Annuity Foundation
Carta di interes di prestamo di banconan
Carta di interes y gastonan di hypotheek
Carta di interes di Credit Card
Paga belasting ta deber di nos tur, pero no paga dimas belasting!