Page 62 - MIN JUS

Censo na su luga ta duna Ministerio Publico e caso practicamente cla na Ministerio
Publico y ta keda na OM hunto cu polis cu mester sigui cu e casonan. Di parti di censo,
no por haci mas cu solamente entrega e denuncianan aki. Cu e situacion ta afecta
Departamento di Censo Aruba su trabao, SI, segun director di Censo. Desde aña 2009
te cu awo, den e trayecto cu su persona como director di censo diferente keho a keda
duna di situacionnan ilegal cu ta sosode cu personanan ta purba di burla di nos leynan
na Aruba.
Tin hasta diferente acta cu ta keda entrega na censo cu ta falso.

Un ehempel bibo cu a sosode unda cu un señora ta trece un acta cu e tin 4 yiu y cada
un di e yiunan ey ta naci 4 luna leu for di otro, esaki ta imposibel y e acta ta falso, asina
por keda menciona diferente casonan cu Censo ta confronta cu ne cu ta contra di nos
leynan y sigur e pasonan ta keda tuma unda cu keho oficial ta keda duna na Ministerio
Publico, pero e trabao di censo ta yega te aki debi cu censo no por sigui e personanan
aki penalmente. Director di Censo ta duna di conoce cu Sr Gibbs a falsifica papel di 5
florin di censo y esaki no por, e director ta kere cu ta hopi importante pa e
departamentonan di gobierno ta link na otro y asina por gara tur esnan cu ta trata di
falsifica cualkier documento legal di pais Aruba.