Page 22 - SOC

AWEMainta Diamars, 13 December 2016 29

Caribbean Palm Village Resort a

haci un donacion util na Cruz Cora

NET prome cu e temporada di fiesta, Caribbean Palm Village Resort
a drenta su espacio di warda articulo di tela y a scoge tur articulo
poco uza pa haci un donacion na Cruz Cora.
E boluntarionan di Cruz Cora a pasa busca e gran cantidad di klechi,
serbete, cusinchi di colchon, serbete di man y deken, y lo ta partiendo
e articulonan riba e isla entre victimanan di e inundacionnan cu a
tuma lugar den fin di siman recientemente, ora Aruba a ricibi mas
di 70mm di awa, cual ta dobel e cantidad di awa cu e isla a ricibi
durante e bishita breve di Horcan Matthew.

E yobida pisa, y consecuentemente e inundacionnan, a sorprende
hopi di nos habitantenan, y como un resultado di esaki, mas di 50
cas a keda completamente inunda, cu hopi mas sufriendo di daño,
cu auto bou di awa y propiedad perdi.
Cruz Cora a compila un lista di esnan cu a sufri daño di awa y lo
trece e articulonan pa nan cas.

Gerente General Astrid Muller, den presencia di su coleganan
ehecutivo Gina Tondu y Cristina Galindo tabata presente ora ora e
donacion fresco laba a wordo entrega.
Caribbean Palm Village Resort obviamente ta disfruta di un con-
ciencia social activo.
Na cuminsamento di november, e resort a haci un donacion na Famia
Kelly durante un evento di recauda fondo na Centro di Bario, Noord.

Famia Kelly a sufri di hopi daño di awa durante Horcan Matthew,
y a wordo yuda generosamente pa un esfuerso cooperativo di henter
nan bario, cu radio emisora 96.5FM, cual a organisa e esfuerso di
donacion.
Aki por mira e boluntarionan di Cruz Cora, na Caribbean Palm
Village Resort!