Page 15 - FDLP

Campeonato HEINEKEN Fast Pitch Aruba Softball

Bond A Reparti Premio

 Deporte
- 14/07/2019

Campeonato HEINEKEN fast pitch di Aruba Softball Bond dedica na dos baluarte a
termina den categoria A-Klas. Piratas Bronx Birds ta derota Logros den e serie di best out
of 5 pa asina reklama e titulo maximo esta Campeon di Aruba 2019. Aruba Softball Bond
mesora despues di wega a bay over na entrega premio na tur esnan cu a destaca den
categoria A-Klas. Ekiponan cada un a hunga 10 wega durante campeonato regular
promer cu nan a drenta Play Off. Pues di campeonato regular a saca Champion Batter,
Champion Homerun y Champion Pitcher mientras MVP a bin di e wega final unda alaves
a entrega premio di Campeon y Sub Campeon. Pa por competi pa champion bateer un
hungador mester tin minimo 23 plate appearance. Presidente di ASB Sr Endy Croes a
yama dilanti Rachi Berry di e ekipo di Logros kende tabata tin 27 plate appearance
mientras el a bay di 19-15 pa un averahe di 789 incluyendo 2 doblete y 5 homerun mas
11 careda impuha y asina conquista e titulo maximo como e batting Champ di
campeonato di A-klas 2019. Rachi Berry di e ekipo Logros a bay cu un trofeo extra esta
champion homerun cu 5 cuadrangular durante campeonato. Johnny Rasmijn a ricibi e
trofeonan pa Rachi Berry kende no por tabata presente durante e wega final. Edgar
Bautista di e ekipo di Logros ta conquista e premio di champion pitcher cu un record di 5
victoria y 1 derota y un ERA di 1.85 lansando 32.67 inning, enfrentando 146 bateador
tirando 172 bola, 331 strike pa un total di 503 pitch y ta poncho 19 bateador permitiendo
33 hit di cual un so tabata homerun , regalando 9 base por bola y ta golpia 6 bateador
durante temporada. Mesora a bay over na yama William Benitez pitcher ganador den e
wega final kende a wordo corona cu e premio maximo esta MVP di play off final. Pabien
na Piratas cu su premio di Campeon y pabien Logros cu sub campeon, pabien tambe na
tur cu a gana premio individual, Rachi Berry, Edgar Bautista y William Benitez. Aruba
Softball Bond por mira atras riba un tremendo campeonato di A-Klas y e siman entrante