Page 16 - ARUBA BANK

AWEMainta Diabierna, 24 Februari 2017 33

Na memoria di Caspar Boekhoudt
Aruba a perde un gran yiu di tera cu a traha

incansablemente pa bienestar di nos pais

CU hopi tristesa y sumamente conmovi partido MEP a
ricibi e noticia cu un gran Arubiano y baluarte, sr. Caspar
Boekhoudt a fayece dia 21 februari ultimo.
Caspar tabata para na cuna di nos partido como co-
fundador y a aparece riba lista di MEP na 1971, 1973,
1975, 1977, 1979, 1983 y 1985.
Durante henter su trayectoria den politica, el a lucha
schouder cu schouder hunto cu Betico Croes pa cu e
logro di Status Aparte na 1986.
Caspar a forma parti di e delegacion di Aruba n’e Con-
ferencia di Mesa Rondo na maart 1983.

Semper el a demostra su lealtad incondicional na nos
partido. Caspar a fungi como Diputado di Finansa y
Turismo den e prome Bestuurscollege di MEP na 1975.
Otro funcionnan importante cu el a ocupa tabata
miembro di Conseho Insular y miembro di Controlaria
General.

Su maneho transparente riba tereno financiero a ser
marca cu integridad y honestidad.
Den MEP el a fungi como tesorero durante varios aña.
Tambe Caspar Boekhoudt a forma parti di e comision
negociador pa cu reapertura di e refineria Coastal na
1991 y esaki el a haci gratuitamente.
Partido MEP ta gradici sr. Caspar Boekhoudt p’e con-
fiansa y tur loke el a haci pa nos pais y nos partido y ta
spera cu e lo tin un bunita lugar den Reino Celestial.
Tambe na su señora Judy, yiunan y demas famia ta bay
nos mas sincero condolencia.
Cu Caspar sosega na paz den brasa di Señor.