Page 42 - MIN JUS

12 AWEMainta Dialuna, 30 Januari 2017

Parlamento a ricibi bishita di muchanan

di scol secundario Colegio San Antonio

DIABIERNA ultimo Parlamento a ricibi nos muchanan di scol secundario di
Colegio San Antonio. Ta un bon iniciativa di juffrouw Jill Hernandez di Colegio
San Antonio, pasobra nos muchanan ta experiencia den carni propio loke nan ta
siña riba nos constitucion y con nos estado di derecho ta hinca den otro.
Parlamento a ricibi nan man habri y a contesta tur pregunta di e muchanan y a
splica con Parlamento ta funciona, con e proceso ta bay ora ta bay trata un ley.
E muchanan tabata entusiasma cu nan bishita na Parlamento y nan lo usa e
experiencia aki sigur den nan estudio y bida den futuro.

Homber ilegal a purba resisti detencion

DIABIERNA den or-
anan di mainta, Polis di
Bario a wordo notifica di
un homber sospechoso
den area di Koningstraat.

Polis a topa cu e sos-
pechoso y haci un control.
E sospechoso no por a
mustra ningun documen-
to valido y de facto tabata
kedando di forma ilegal
riba nos isla.
E sospechoso a cuminsa
resisti su detencion, pero
refuerso a presenta pa
yuda domina y detene e
homber.