Page 59 - MIN JUS

Atraco arma riba un cas na Tanki Leendert unda a agredi
habitante cu arma den cabez

Sunday, 29 January 2017 02:26
Comparti

Diadomingo marduga algo pasa di mey anochi a sosode un atraco arma riba un cas na Tanki Leendert. Polisnan a
haya yamada di algo straño na e adres y na yegada a resulta cu tabata un atraco. Tres miembro di famia tabata na e
cas e momento ey. Dos atracado habla Spaño a bula e hekwerk dilanti di e cas. A drenta y sorprende e doñonan di
cas. E pareha tabata tey y nan yiu homber tambe. Ora cu a yiu a bay pa reclama e situacion a bira victima di agresion
mesora.

Nan ta bisa cu e atracadornan tabata tin un arma di candela caliber 45 mm. E dos atracadornan a pasa man pa cinco
celular smartphone cu tabata tin na e cas y cu ta propiedad di e famia. Djey nan a sali bandona e cas y disparce. No ta
conoci con nan a bandona e area. A cuminsa un buskeda mesora pa e movecionnan sospechoso. Mirando cu ta un
atraco arma, a notifica atraco team cu tambe a presenta pa atende cu esnan cu a bira victima. E atracadornan a bay
laga tambe un boter di Whisky pafo na entrada di e cas. Esakinan ta material cu por yuda pa saca evidencia.
Slachtofferhulp a wordo avisa. E yiu homber kende a sufri daño a wordo atendi pa paramediconan di ambulance cu a
wordo yama pa Polis. A hibe Hospital pa wordo mira pa un dokter tambe. Por a mira sanger riba su curpa.