Page 42 - ATA

E economia di mercado liber a conduci na resultadonan unda cu e accionnistanan a
probecha di e dianan di gloria di e refineria, pero kico el a trece p’e hendenan, a largo
plaso, e medio ambiente, salud y hasta p’e bida marino y eco-sistema terestre?

E otro sistema di placa rapido y deficitnan presupuestario grandi tampoco a logra como
resultado e promesanan di un desaroyo, lagando atras un infrastructura mehora den un
area bandona, cu tiendanan basha.

“Nos a purba di stimula gastamento y a uza placa cu nos no tin. Pero e “boost” a termino
corto a faya den dos forma. Gobierno su debe a subi haltisimo y Aruba su “credit rating”
a wordo poni bou di presion.

Na di dos luga, sector priva no a reacciona cu inversionnan comercial.”

P’esey e pregunta: Kico awor? El a papia di 6 tipo di “capital goods”. Definicion di esaki
ta: Propiednan cu un negoshi ta produci y na su turno ta wordo uza di un otro negoshi pa
produci material of servicio pa consumidor. Capital goods ta inclui propiedadnan manera
edificio, makinaria, ekipo, vehiculonan, y otro hermentnan cu un organisacion ta uza pa
produci material of servicio.

Asina el a papia di: 1) Capital humano, pa promove educacion, conocemento y salud di e
forsa laboral; 2) capital intelectual, dor di pusha e sociedad na un conocemento
tecnologico y cientifico mas halto; 3) Capital Natural. Dor di protege y restaura e eco-
sistema cu ta apoya nos isla chikito; 4) Capital social, crea of duna bida na confiansa den
e comunidad cu ta haci inversionnan eficiente posibel. Esakinan cu e otro dos sistemanan
ta traha den un forma complementario cu otro.

Pero mester haci inversion den e 4 formanan di capital goods menciona. “Inversion
comercial sin infrastructura y capital humano no ta duna resultado. Tampoco inversion
priva no ta funciona si e capital social (confiansa) no t’ey.

Sin capital natural (incluyendo un clima sigur, sistema di awa disponibel y proteccion
contra erosion di costa) e otro tiponan di capital facilmente ta perde. Y sin aceso
universal na inversion publico den capital humano, nos sociedad lo sucumbi pa un
desigualdad di entrada y bienestar.