Page 9 - CMB

editor

POSTED ON MARCH 28, 2019, 5:39 PM
2 MINS
POST VIEWS: 5

ORANJESTAD, Aruba

Parlamentario Setty Christiaans-Yarzagaray:

Banco Central recientemente a saca un publicacion tocante ‘Consumer Confidence’ cu e titulo

‘Consumer Confidence Rebounds” indicando cu e indice di Confiansa di e Consumidor ta experencia
un crecemento den kwartaal 4 di 2018 y esaki ta un toke positivo atrobe. E publicacion ta cubri te cu
di 4 kwartaal di 2018 y ta menciona cu e sentimentonan di e consimidor a mehora subiendo cu 2.7%

y a subi te cu 97%. E 97% di indice aki ta e indice mas halto registra desde 2015.

Haciendo un comparacion na locual Parlamentario Setty Christiaans-Yarzagaray a trece dilanti
anteriormente tocante e ‘Consumer Confidence’, el a duna di conoce cu contrario na e tempo ey, e
consumidor a haya mas confiansa den e situacion y e sistema. Esaki ta bin probablemente, segun e

Parlamentario, cu tin un Gobierno cu ta tuma su rol na serio como tambe Parlamento ta tumando nan
rol na serio. Parlamentario Christiaans-Yarzagaray a enfatisa cu e confiansa di e consumidor ta

sumamente importante pa logra draai un economia.

E publicacion di Banco Central ta duna un indicasion tambe riba e situacion actual na pais Aruba, e
mehoracion di e confiansa di e consumidor, ta haci cu e consumidor te hasta tin un percepcion di
mehoracion cu a subi cu 3.3% compara cu e kwartaal di e aña anterior. Pa loke ta trata e situacion

personal financiero actual, e publicacion di Banco Central ta indica di ta positivo y e indice aki a
haya un toke optimista subiendo di 95.3 te cu 102.5. Esakinan tur ta mustra cu cosnan ta bayendo den

bon direccion. Pa loke ta trata e espectativanan di e consumidor, e publicacion ta indica cu esakinan
tambe a crece cu 3.3 porciento.

“Mi ta hopi satisfecho di mira bon señalnan di sentimento di e consumidornan, apesar cu nos tin un
situacion financiero precario y dificil. Ta mustra cu nan tin confiansa y bon espectativa cu cos ta

bayendo den bon direccion”, Parlamentario Setty Christiaans-Yarzagaray a duna di conoce.