Page 20 - HOH
P. 20
sigura cu esaki a tuma luga den forma responsbel pa sigui brinda e servicio. Pues ta traha
al estilo di diadomingo. Pa 10’or a reanuda trabou.
Despues di e accion, a dicidi cu lo manda un carta pa SOGA pidiendo pa saca e boiler di
diesel mas lihe posibel. Nan ta basa nan peticion riba rapportnan traha, cu conseho, pa
saca e boiler. Cada biaha cu cende e aparato aki, e holo di diesel ta pasa den henter e
sistema di airco afectando diferente departamento y e personal trahando. Pa saca e boiler
lo costa 800 mil florin. “Pero nos no por sigui traha asina,” Maduro a bisa.
Pa loke ta e construccion mes, e sindicalista a bisa cu for di cuminsamento e sindicato
tabatin su kehonan. Sinembargo no a tuma e sindicato su kehonan na serio. “Si hospital a
para banda di nos for di prome dia, awe lo tin otro scenario. E contestanan cu semper a
ricibi tabata “boso ta floho, boso no kier traha, boso kier boicotia e proyecto”. A dura
basta prome cu a tuma e sindicato na serio. Awo cu e Titanic ta den sink, awo si nos a
haya oido.”
