Page 6 - WEB

Còrsou Y Aruba A Uni Den Mision Petrolero Na

Washington

 Politica
- 13/05/2019

Promé Minister Evelyn Wever Croes y Eugene Rhuggenaath a biaha pa capital di Merca
pa un mision di dos dia cu un delegacion consistiendo di representantenan di Refineria di
Còrsou, di Refineria di Aruba y Curoil.

E mision ta un mision conhunto cu Promé Minister Wever-Croes di Aruba tambe a biaha
cu representantenan di Refineria di Aruba.

Esaki ta Eugene Rhuggenaath su promé bishita na Washington D.C., unda cu su colega di
Aruba lo tene diferente encuentro cu Departamento di Estado, Departamento di Finansa y
tambe e unidad Office of Foreign Assets Control (OFAC) cu ta responsabel p’e maneho
di sancionnan y t’e agencia cu a otorgá e lisencia special pa exoneracion na Còrsou.

Gobièrnu di Còrsou a traha mas cu un aña intensivamente cu diferente departamento pa
logra haña e lisencia special pa companianan di Gobièrno Curoil, CRU y Refineria di
Còrsou.

Central durante e reunionnan na Washington D.C. lo discuti tambe e impacto di e
situacion na Venezuela riba e paisnan Còrsou y Aruba specíficamente den sector
energético.