Page 28 - FDLP

ORANJESTAD (AAN) – Campeonato Heineken fast pitch di Aruba Softball Bond dedica
na baluartenan Jacobo Jansen y Gilbert “Nando” Maduro a continua den gran forma riba

veld di Dragon Hitters.

Den categoria A-Klas serando e promer buelta e dos equiponan invicto esta Logros cu
4-0 a enfrenta Piratas tambe cu un record di 4-0. Logros sinembargo no a basila y a

baha furioso riba nan contrincante pa asina knock out Piratas 19-4.

Logros a bati como equipo di 25-15 pa un averahe di 600 mientras Piratas como equipo
a bay di 15-5 pa un averahe di 333 . Boxscore final Logros 19 careda, 15 hit, 2 error y

ta laga 6 coredor na base.

Piratas 4 careda, 5 hit, 5 error y ta laga 2 coredor den circulacion. Mihor bateadornan
pa Logros ta Rachi Berry 2-2 cu dos careda anota, 2 rbi mas un cuadrangular, Arnaldo

Perez 3-3 cu 3 careda anota mas 3 careda impuha incluyendo un triplete, Genaro
Girigori 4-2 cu 3 rbi, Arturo Camacho 3-3 cu 3 careda anota, 6 careda impuha
incuyendo un triple, Manuel Paula 2-2 y Junior Simmohds 1-1.

Pa Piratas a destaca na plato den causa perdi Modesto de La Cruz 1-1 cu un triple,
Leyvis Gonzalez tambe di 1-1 cu un triple, Whascar Perez 2-1 y Jermey Moreno di 2-1
cual porcierto tambe tabata un triple.

Genaro Girigori ta bay henter e ruta pa pone e victoria riba su nomber lansando 59
pitch permitiendo careda riba 5 hit den 18 bateador cu el a enfrenta.