Page 28 - AM190629

28 AWEMainta Diasabra, 29 juni 2019

Aruba a logra 10 medaya di oro pa

Landamento Artistica na CCCAN 2019

RECIENTEMENTE e seleccion nacional di lan-
damento artistico di Aruba den diferente categoria

a representa Aruba na Barbados. Nan a competi n’e
“Central American and Caribbean Amateur

Swimming Confederation Championships” con-

oci como CCCAN, un di e competencianan mas grandi
p’e region di America Central y Caribe.

E aña aki tabatin participacion di Corsou, Panama,

Guatemala, Jamaica, Barbados y Aruba.

Nos atletanan a sobresali durante e competencia y a
regresa Aruba cu un total di 10 medaya di Oro y 3

medya di Brons y e titulo un biaha mas di “Overall

Champion” den cada categoria pa CCCAN 2019!
Oro a bai p’e team routine di 12&U cu e ateletanan:

Sofia Cardona, Silvana Cardona, Abizahi Sanchez,

Alina Dirksz, Camila Tromp, Xiana Hoo y Amylene
Helder.

Den e routinanan di Free Solo, e medaya di Oro a bay
pa Sofia Cardona den categoria 12&AU, pa Avigayle

Tromp den categoria 13-15 y pa Meghan Tromp den
categoria Junior Free.

Den categoria Junior Tech e medaya di Brons a bay pa

Kainah Croes.

Den e routinanan di Free Duet e medayanan di Oro
a bay pa Abizahi Sanchez y Sofia Cardona(12AU),

pa Mikayla Morales y Avigayle Tromp (13-15) y pa

Meghan Tromp y Kainah Croes (Juniors).
Den e rutina Duet TEch Juniors tambe e atletanan

Meghan y Kainah a gana medaya di Oro.

Den e evento di “Figures” Aruba tambe a sobresali cu

un Oro y Brons den 12au pa Sofia Cardona y Abizahi

Sanchez, den 13-15 un Oro pa Avigayle Tromp y un
Brons pa Mikayla Morales.

Directiva y miembronan di Barracudas Aruba kier a
felicita e atletanan cu e logronan di e competencia aki,

un danki especial y palabra di elogio p’e coaches nan

cu ta traha duro cu e atletanan. Pabien na tur!