Page 29 - FDLP

AHATA A Aporta Pa Drecha Veld Di Sportboys Na

Santa Cruz

 Deporte
- 01/08/2019

E aña aki durante e proyecto di Aruba Doet, Aruba Hotel & Tourism Associations
(AHATA) a yuda drecha e club di Sportboys dor di yuda verf parti di e muraya.
Durante e actividad aki a observa cu tabata falta pa drecha otro area di e veld y AHATA a
dicidi di haci un donacion adicional.
Hobennan ta haci uzo y ta train diariamente n’e veld, ademas ta organisa hopi wega di
futbol y otro actividadnan.

Cu e donacion aki a drecha e waya y e arco di e gol. AHATA a haci esaki cu e meta pa
apoya deporte y p’e mucha y hobennan por sigui train den forma eficiente. E comision di
Sportboys a gradici AHATA p’e bunita gesto y ta masha contento di mira un cambio n’e
veld.

AHATA ta satisfecho cu e resultado y di por a haci e donacion aki cu lo yuda forma mas
lider y talentonan den deporte.